أستاذي وأخي العزيز / فتحي الطهناوي ..
بعد التحية والسلام ..
أنا عارفة إنك دلوقت في أحسن مكان في الجنة .. آه ما أنا سمعت قرآن كتير امبارح وكل الآيات كانت بتتكلم عنك .. آه والله زي ما بقولك كده .. كلها كانت بتتكلم عن الصالحين المتقين .. وأنا أحسبك كده عند الله .. لأ أنا متأكدة من إنك كده .. ده كفاية دعوات الغلابة اللي انت ساعدتهم ليك .. كفاية لحظة أمل وتشجيع ادتهاني في يوم من الأيام ..
عارف على قد ما جه عليا وقت كنت زعلانة منك عشان ما وقفتش جنبي في يوم من الأيام ولا ساعدتني إني أعلى وأحقق حلمي .. على قد ما أنا حاسة بحسرة ومرارة على فراقك .. كان عندي أهون إنك تفضل موجود في الدنيا تساعد الناس وتاخد بإيديهم ولا إنك تموت وتسيبنا كلنا .. طول عمرك كنت وهتفضل حاجة كبيرة في نظري .. وطول عمري كنت باتمنى أبقى واحدة منكم .. أنضم لمجموعتكم .. إنت اللي خلتني أحب اللمة أكتر وأتمنى إن أصحابي يبقوا هما كمان عيلتي .. بس للأسف أنا مش محظوظة زيهم إنهم لقوك عشان تقرب وتلم الناس حواليك .. هاقول إيه نصيبي كده .. وعلى قد ما ظني كان وحش في يوم وافتكرت إنك قصدت تبعدني على قد ما انا مسامحاك .. مسامحاك من قلبي .. عشان إنت كنت سبب برضه في خير ليا .. كنت قدوة ونور .. بس خلاص النور ده انطفى .. أنا بس كنت عاوزة أقولك إني مش هانساك وهافضل أدعيلك .. ربنا يجمعنا بيك في الجنة على خير إن شاء الله
أختك الصغيرة / أسماء
بعد التحية والسلام ..
أنا عارفة إنك دلوقت في أحسن مكان في الجنة .. آه ما أنا سمعت قرآن كتير امبارح وكل الآيات كانت بتتكلم عنك .. آه والله زي ما بقولك كده .. كلها كانت بتتكلم عن الصالحين المتقين .. وأنا أحسبك كده عند الله .. لأ أنا متأكدة من إنك كده .. ده كفاية دعوات الغلابة اللي انت ساعدتهم ليك .. كفاية لحظة أمل وتشجيع ادتهاني في يوم من الأيام ..
عارف على قد ما جه عليا وقت كنت زعلانة منك عشان ما وقفتش جنبي في يوم من الأيام ولا ساعدتني إني أعلى وأحقق حلمي .. على قد ما أنا حاسة بحسرة ومرارة على فراقك .. كان عندي أهون إنك تفضل موجود في الدنيا تساعد الناس وتاخد بإيديهم ولا إنك تموت وتسيبنا كلنا .. طول عمرك كنت وهتفضل حاجة كبيرة في نظري .. وطول عمري كنت باتمنى أبقى واحدة منكم .. أنضم لمجموعتكم .. إنت اللي خلتني أحب اللمة أكتر وأتمنى إن أصحابي يبقوا هما كمان عيلتي .. بس للأسف أنا مش محظوظة زيهم إنهم لقوك عشان تقرب وتلم الناس حواليك .. هاقول إيه نصيبي كده .. وعلى قد ما ظني كان وحش في يوم وافتكرت إنك قصدت تبعدني على قد ما انا مسامحاك .. مسامحاك من قلبي .. عشان إنت كنت سبب برضه في خير ليا .. كنت قدوة ونور .. بس خلاص النور ده انطفى .. أنا بس كنت عاوزة أقولك إني مش هانساك وهافضل أدعيلك .. ربنا يجمعنا بيك في الجنة على خير إن شاء الله
أختك الصغيرة / أسماء
ليست هناك تعليقات:
إرسال تعليق